Өзін-өзі басқару ұйымы қайырымдылық мақсатында КИНО КЕШ ұйымдастырды

№177 мектеп-гимназиясының тәлімгері Пердебай Қаршыға және Өзін-өзі басқару ұйымы қайырымдылық мақсатында КИНО КЕШ ұйымдастырды. КИНО КЕШТЕН түскен қаражаттың барлығы Амина апа жетекшілік ететін “ПЕРЗЕНТ” балалар үйіне жұмсалып, балаларға ойыншықтар сыйға тартылды. Сонымен қатар, бүлдіршіндерге көтеріңкі көңіл күй сыйлап, мейірім мен қуанышқа толы әсерлі сәттер сыйлады.

Бұл игі шара – жас ұрпақты қамқорлыққа, жанашырлыққа және қайырымдылыққа баулитын жарқын бастамалардың бірі. Балалардың жүзіндегі қуаныш пен шынайы күлкі ұйымдастырушылар үшін ең үлкен марапат болды. Осындай игі істер алдағы уақытта да жалғасын табады деген сенімдеміз.